Kaixo lagunok! Gaur irakasgai honetako hirugarren saioa izan dugu eta lehenik eta behin, talde bakoitzak joan den egunean ikasgelan egindakoa azaldu dugu guztien aurrean, norbere blogak denon artean komunean jarriz, eta bakoitzak bere akatsak zuzenduz.
Ondoren, IKT-ri buruzko hainbat kontzeptu era errazago batean ulertu ahal izateko, irakasleak youtuben bideo bat jarri digu, eta bitartean hiru gelakideek elkarrizketa bat irakurri dute bideoarekin zerikusia izan duena.
Honekin lotuta, aipatu behar dugu, momentu honetan lehenago sortutako sarrerak hobetzen eta betetzen ari garela, gure ezagutza maila zabaltzen ari garelako. Adibidez, gaiarekin zerikusia duten argazkiak eta bideoak sartzeaz aparte interneten bilatutako artikulurenbat ere jarri dugu.
Gainera, irakasleak ondorengo egunetan lantzeko gai zabal bat proposatu digu, sare sozialei, blogei, wikiei eta antzeko gauzei buruzko gaia hain zuzen ere. Hau ikusita, ondorengo egunetan sarrera gehiago argitaratzea espero dugu eta horrela gure bloga hobetzen joatea espero dugu, gai horri buruzko informazioa jarriz.
No hay comentarios:
Publicar un comentario